aze
Neftçala Rayon Mərkəzi Kitabxanası

Kitabxanamız

Elektron Kitabxana

Elektron Kataloq

Tədbirlər

Kitab abidələrimiz

Normativ sənədlər

Biblioqrafik vəsaitlər

Neftçala rayon İcra Hakimiyyəti



































Neftçalaya virtual səyahət

Kitabxanamızın tarixi

Neftçala rayon ərazisində kütləvi kitabxanalar hələ ötən əsrin ortalarından fəaliyyət göstərmişdir.1973-cü ildə Neftçala müstəqil rayon kimi yaranandan sonra və o vaxtkı rəhbəriyin 1975-ci ildə kütləvi kitabxanaların mərkəzləşməsi haqqında sərəncamın dan sonra rayonumuzun bir sıra kəndlərində fəaliyyət göstərən kitabxanalar Xıllı qəsəbə kitabxanası ətrafında mərkəzləşdi. Beləliklə 1977-ci ildə rayon Xıllı qəsəbə kitabxanası mərkəz funksiyasını daşımağa başladı. Hələ o dövrdə də Respublikamızda mədəni inkişafa böyük önəm verilir, savadsızlığın təmamilə aradan qaldırılması yolunda böyük işlər görülürdü. Bu baxımdan
da kitabxanaların genişləndirilməsinə həmin dövrdə xüsusi diqqət göstərilirdi. 1985-ci ildə Neftçala rayon Mərkəzi Kitabxanası 3 mərtəbəli yeni binaya köçdü və bundan sonra MKS-in fəaliyyəti 1 mərkəzi kitabxana və 85 filial kitabxananı əhatə etməklə daha da genişləndi. Neftçala rayon MKS-i rayonun kənd və qəsəbələrində olan filial kitabxanalara inzibati və metodiki rəhbərlik edir.Kitabxananın fondunda olan minlərlə kitab rayon oxucularının istifadəsindədir


Neftçala rayon Mərkəzləşdirilmiş Kitabxana sistemi

Neftçala rayon MKS-i 1985-ci ildən fəaliyyət göstərir. Hazırda 1 mərkəzi kitabxana və 66 filial kitabxananı əhatə edən MKS 2010-cu ilin ilk yarım ilində 25182 oxucuya xidmət etmişdir. Filial kitabxanalardan 63-ü kənd və qəsəbə, 3-ü isə Uşaq kitabxanalarıdır. O cümlədən kitabxanamıza 639 nüsxə kitab və jurnallar daxil olmuşdur. Bunlardan 14 nüsxə kitab M.F.Axundov adına Milli kitabxanadan, 230 nüsxə kitab Kitabxana Kollektorundan, 395 nüsxə jurnal isə digər təşkilatlardan daxil olmuşdur. Hazırda MKS-in kitab fondu 306968 nüsxədir. MKS-də 237 nəfər işçi çalışır, onlardan 169 nəfəri qulluqçudur.



Mərkəzi Kitabxana.

1985-ci ildən fəaliyyət göstərən Neftçala rayon Mərkəzi Kitabxanası 3 mərtəbəli gözəl bir binada yerləşir.
Oxuculra əhatəli xidmət göstərən Mərkəzi Kitabxananın 70652 nusxə kitab fondu vardir ki, bu fondun 385 nüsxəsi 2010-cu ildə daxil olmuşdur.Ümumilikdə Mərkəzi Kitabxana üzrə 2010 cu ilin ilk yarım ilində 2446 nəfər oxucu vardır . Mərkəzi kitabxanada 58 nəfər işçi vardir ki, bunlardan 44 nəfəri kitabxanaçı, digərləri isə texniki işçilərdir.




Mərkəzi kitabxanada 4 şöbə və 8 bölmə fəaliyyət göstərir.

• Vahid fond-mübadilə şöbəsi.

• Xarici ədəbiyyat bölməsi.

• Komplektləşdirmə və kitabişləmə şöbəsi.

• Abonement şöbəsi.

• Metodika-Biblioqrafiya şöbəsi...

• Uşaq bölməsi.

• İncəsənət bölməsi.

• Gənclər bölməsi.

• Yuxarı sinif şagirdləri bölməsi.

• Kənd təsərrüfatı bölməsi.

• Dövrü mətbuat bölməsi.

• Oxu zalı bölməsi.



MKS-nin filialları

Regional Kitabxana Məlumat Mərkəzi –RKMM

2005-ci ilin may ayında Mərkəzi Kitabxanada ABŞ səfirliyinin Azərbaycanda həyata keçirdiyi “Region Kitabxanalarının İnkişafı proqramı” layihəsi çərçivəsində Regional Kitabxana Məlumat Mərkəzi açıldı. Mərkəzə lazım olan bütün texniki avadanlıq İREX ABŞ humanitar təşkilatı tərəfindən hədiyyə edildi. Bu layihə 2 il müddətində fəaliyyət göstərməli idi. 2005-2007-ci illərdə bu mərkəzdə kitabxanaçılar üçün pulsuz komputer kursları təşkil edilmişdir. Mərkəz rayon əhalisinə pulsuz internet xidməti göstərirdi. Əhalinin böyük marağı nəzərə alınaraq layihənin müddəti bir qədər uzadılmış və 2008-ci ilin aprel ayında RKMM MKS-ə təhvil verilmişdir. Həmin vaxtdan etibarən mərkəzdə yenidən komputer kursları təşkil edilmiş və pullu internet xidməti göstərilir. Hazırda burda “İnformasiya mərkəzi” və “Uşaq hüququ informasiya mərkəzi” fəaliyyət göstərir. Həmçinin kitabxanamızın internet saytının tərtibat işləri də bu otaqda həyata keçirilir.Saytın tərtibatçısı Nuriyeva Fatimədir. 2005-2007-ci illər ərzində ABŞ səfirliyi tərəfindən mərkəzə azərbaycan, rus,ingilis və.s dillərdə 660 nüsxə kitab hədiyyə edilmişdir. Bu kitablar hal-hazırda Mərkəzi Kitabxananın “Oxu zalı” bölməsində saxlanılır.














Hörmətli oxucular!

Neftçala rayon MKS-nin saytı 2009-cu ilin sentyabr ayından etibarən fəaliyyət göstərir. Saytda çox zəngin məlumatlar yerləşdirilmişdir.Yaxın günlərdə kitabxananın fondunun elektron variantı da hazır olacaqdır. Kitabxanamızın zəngin fondundan istifadə edin. Elanlar bölməsində kitabxanada təşkil ediləcək tədbirlər barədə məlumat ala bilərsiniz. Bütün tədbirlərə hamınız dəvətlisiniz.Saytımız barədə rəy və təkliflərinizi ünvanımıza göndərin.
Bizimlə əlaqə:


kitabsevər65@mail.ru

(0153) 3-34-41

(0153) 3-30-38

Adiniz:
Emailiniz: